БАРГУЗОРИИ БАРНОМАИ ФАРҲАНГӢ БАХШИДА БА 35-СОЛАГИИ ИСТИҚЛОЛИ ДАВЛАТӢ

21 август тибқи нақшаи тасдиқгардидаи Мақомоти иҷроияи ҳокимияти давлатии шаҳри Душанбе дар робита ба баргузории барномаҳои бошукӯҳи фарҳангӣ дар боғҳои фарҳангию фароғатии пойтахт бахшида ба истиқболи шоиста аз 35-солагии Истиқлоли давлатӣ дар ин замина, нақшаи чорабиниҳои мақомоти иҷроияи ҳокимияти давлатии ноҳия дар Боғи фарҳангию фароғатии ба номи устод Садриддин Айнӣ бо ҷалби Ансамбли тарона ва рақсии “Сомон” ва Донишкадаи исломии Тоҷикистон ба номи Имоми Аъзам барномаи фарҳангӣ баргузор гардид.

      Дар чорабинии мазкур мудирони шуъбаву бахшҳои дастгоҳи Раис ва мақомоти иҷроияи ҳокимияти давлатии ноҳия, ҳайати омӯзгорону донишҷӯён инчунин сокинону меҳмонони пойтахт иштирок намуда, аз иҷрои суруду таронаҳои ватандӯстона ва барномаи рангини консертӣ баҳравар гардиданд.

     Чорабинӣ дар фазои тантанавӣ ва рӯҳияи баланди ватандӯстӣ баргузор гардида, ба таҳкими ҳисси ифтихори миллӣ ва арҷгузорӣ ба дастовардҳои даврони соҳибистиқлолӣ мусоидат намуд.

        Бояд иброз намуд, ки чунин барномаҳои фарҳангӣ бо ҷалби ҳунарии назди вазорату идораҳо ва муассисаҳои таҳсилоти олии кишвар то ҷашни бузурги миллӣ, 35-солагии Истиқлоли давлатӣ ҳамарӯза дар боғҳои фарҳангию фароғатии шаҳри Душанбе баргузор хоҳанд шуд.