Сармураббии бошгоҳи «Тоттенҳэм» Роберто Де Дзерби беҳтарин мураббии моҳи октябр дар Премйер-лигаи Англия эътироф гардид.
Дастаи шаҳри Лондон таҳти роҳбарии мутахассиси итолиёвӣ дар моҳи гузашта аз чор бозӣ, се пирӯзӣ ба даст оварда, як вохӯрии дигарро мусовӣ анҷом дод.
«Тоттенҳэм» дар ин муддат бар дастаҳои «Ковентри Сити» (3:1), «Челси» (2:0) ва «Кристал Пэлас» (2:0) ғолиб омада, дар бозӣ муқобили «Манчестер Юнайтед» бо ҳисоби 1:1 мусовӣ кард.
Барои Роберто Де Дзерби ин аввалин ҷоизаи беҳтарин мураббии моҳ дар фаъолияти мураббигияш дар Англия ба шумор меравад.
Ҳамзамон, ӯ аввалин сармураббии «Тоттенҳэм» пас аз Анге Постекоглу гардид, ки ба гирифтани ин ҷоиза мушарраф мешавад. Постекоглу қаблан се моҳ пайиҳам — аз моҳи август то октябри соли 2023 беҳтарин мураббии Премйер-лига эътироф шуда буд.
Source: Varzish TV · varzishtv.tj
