БАРГУЗОРИИ ҶАЛАСАИ КОРӢ ҶИҲАТИ ДАР САТҲИ БАЛАНД БАРГУЗОР НАМУДАНИ ЧОРАБИНИҲО БАХШИДА БА 35-СОЛАГИИ ИСТИҚЛОЛИ ДАВЛАТӢ

Имрӯз дар толори Мақомоти иҷроияи ҳокимияти давлатии ноҳияи Сино бо иштироки намояндаи Дастгоҳи иҷроияи Президенти Ҷумҳурии Тоҷикистон, роҳбарияти Мақомоти иҷроияи ҳокимияти давлатии шаҳри Душанбе ва ноҳияҳои пойтахт, инчунин роҳбарону намояндагони вазорату идораҳо, ташкилоту муассисаҳои ҷумҳуриявию шаҳрӣ, сохторҳои дахлдори мақомоти иҷроияи ҳокимияти давлатии шаҳри Душанбе ва ноҳияҳои он, соҳибкорону шахсони саховатпеша, фаъолони ҷомеа, раисони шаҳраку маҳаллаҳо, имомхатибони масҷидҳои ҳудуди пойтахт, роҳбарони бозорҳо, боғҳои фарҳангию фароғатӣ, марказҳои савдо ва хизматрасонӣ ва дигар шахсони масъул ҷаласаи корӣ баргузор гардид.
Дар ҷаласа масъалаҳои вобаста ба вусъат бахшидани корҳои ободониву созандагӣ, таъмини тозагии санитариву экологӣ, инчунин иҷрои саривақтии нақшаи чорабиниҳо ҷиҳати омодагӣ ва таҷлили бошукӯҳи 35-солагии Истиқлоли давлатии Ҷумҳурии Тоҷикистон мавриди баррасӣ қарор гирифтанд.