Сармураббии мунтахаби Англия Томас Тухел тасдиқ кард, ки ҳамлагар Ҳарри Кейн дар бозии Лигаи миллатҳо муқобили мунтахаби Хорватия, ки рӯзи панҷшанбе баргузор мешавад, аз дақиқаҳои аввал ба майдон мебарояд.
Бо ин бозӣ Кейн шумораи вохӯриҳояшро дар ҳайати мунтахаби Англия ба 126 мерасонад ва аз рӯи шумораи бозиҳои анҷомдодашуда дар тими миллии мардонаи кишвар рекорди нав мегузорад. Ӯ аз ин ҷиҳат аз дарвозабони собиқи англис Питер Шилтон пеш хоҳад гузашт.
«Ин воқеаи аҷиб ва хеле хушоянд аст», — гуфтааст Томас Тухел дар нишасти матбуотӣ.
Қобили зикр аст, ки Ҳарри Кейни 33-сола то имрӯз дар ҳайати мунтахаби Англия 125 бозӣ анҷом дода, ба задани 91 гол ноил шудааст.
Рекордгузори пешини мунтахаб Питер Шилтон, ки ҳоло 77 сол дорад, аз соли 1966 то 1997 дар сатҳи касбӣ футбол бозӣ кардааст.
Ҳамин тариқ, бозии муқобили Хорватия барои Ҳарри Кейн на танҳо як вохӯрии навбатӣ, балки рӯйдоди таърихӣ дар фаъолияти байналмилалии ӯ хоҳад буд.
Манбаъ: Телевизиони «Варзиш» · varzishtv.tj
