ҶАЛАСАИ КОРӢ БО РОҲБАРОНИ МУАССИСАҲОИ ТАЪЛИМӢ

16 сентябр дар толори шуъбаи маорифи ноҳияи Исмоили Сомонӣ таҳти раёсати муовини раиси ноҳия — сарпарасти соҳа Аминзода Манижабону ҷаласаи корӣ баргузор гардид.

Дар ҷаласа мудири шуъбаи маориф, кормандони шуъба ва роҳбарони муассисаҳои таълимӣ иштирок намуданд. Масъалаҳои баланд бардоштани сифати таҳсилот, омодагӣ ба давраи тирамоҳу зимистон, тақвияти назорати дохилимуассисавӣ, таълиму тарбияи наврасон, фаъолияти дурусти муассисаҳои таълимии томактабӣ ва дигар масъалаҳои муҳими соҳа мавриди баррасӣ қарор гирифтанд.

Ҳамзамон, рафти иҷрои дастуру супоришҳои раиси ноҳияи Исмоили Сомонӣ, ки зимни ҷаласаҳои назоратӣ вобаста ба соҳаи маориф баён гардида буданд, таҳлил карда шуд. Аз рӯи масъалаҳои баррасигардида ба роҳбарони муассисаҳои таълимӣ дастуру супоришҳои мушаххас дода шуданд.