Сардори раёсати робитаҳои байналмилалии Федератсияи футболи Тоҷикистон Давлатманд Исломов комиссари бозии Лигаи қаҳрамонҳои элитаи Осиё-2026/27 таъйин гардид.
Давлатманд Исломов дар бозии даври чоруми марҳилаи гурӯҳии мусобиқа миёни дастаҳои «Пахтакор»-и Ӯзбекистон ва «Ал-Наср»-и Арабистони Саудӣ фаъолият мекунад. Дар ин вохӯрӣ довари эҳтиётӣ довари ФИФА аз Тоҷикистон Сайёдҷон Зайниддинов таъйин шудааст.
Ёдовар мешавем, ки вохӯрӣ имрӯз, 2-юми ноябр дар варзишгоҳи «Пахтакор»-и шаҳри Тошканд баргузор мешавад.
Манбаъ: Телевизиони «Варзиш» · varzishtv.tj
