Баргузории консерти ҳисоботӣ дар Мактаби бачагонаи мусиқии №3

Муассисаи давлатии Мактаби бачагонаи мусиқии №3-и Раёсати фарҳанги шаҳри Душанбе пайваста чорабиниҳои гуногунро баҳри такмилу ташаккул ва дарёфти кӯдакону наврасони болаёқат баргузор менамояд. Ин навбат таълимгирандагони Муассисаи мазкур чорабинии фарҳангӣ оростанд, ки дар он устодони санъат ва омӯзгорону дӯстдорони мусиқӣ ба ҳам омаданд.

Масъулин иброз намуданд, ки бо баргузории чунин чорабиниҳо таълимгирандагон ба иду ҷашнҳои дар пеш буда омодагӣ мебинанд. Ҳамчунин дар чорабиниҳои сатҳи шаҳриву ҷумҳуриявӣ низ хонандагони муассисаи мазкур ширкати фаъолона доранд. Барномаи консертӣ, ки аз рақсу суруд ва навозишҳо иборат буд, аз ҷониби баромадкунандагон бо истеъдоди баланд пешниҳод гардид.

Теҳрон Файзов
"ТВ Душанбе"