20-уми март дастаи мунтахаби Тоҷикистон дар Душанбе бо тими миллии Беларус бозии дӯстона баргузор мекунад

Федератсияи футболи Тоҷикистон ва Федератсияи футболи Беларус барои анҷоми бозии дӯстона байни тимҳои миллии ду кишвар дар рӯзҳои ФИФА-и моҳи март ба мувофиқа расиданд.

Дар остонаи ҷашни байналмилалии Наврӯз миёни дастаҳои мунтахаби Тоҷикистону Беларус рақобати дӯстона баргузор мешавад.

Ин вохӯрӣ рӯзи 20-уми март дар Варзишгоҳи марказии ҷумҳуриявии шаҳри Душанбе доир шуда, соати 16:00 оғоз меёбад.

Дар раддабандии ФИФА яккачини Тоҷикистон дар зинаи 104-ум ва мунтахаби Беларус дар ҷойи 98-ум қарор доранд. Бозӣ бо мунтахаби Беларус марҳилаи омодагӣ ба вохӯрии даври аввали мусобиқаи интихобии Ҷоми Осиё-2027 дар гурӯҳи «А» муқобили тими миллии Тимори Шарқӣ мебошад.

Вохӯрӣ бо Тиморӣ Шарқӣ 25 март дар Душанбе доир мешавад.