Ба Раиси Маҷлиси Туркманистон Гулманова Дунягозел Акмухаммедовна

Ба Раиси Маҷлиси Туркманистон

Гулманова Дунягозел Акмухаммедовна

Муҳтарам Дунягозел Акмухаммедовна,

Табрикоти самимии маро ба муносибати ҷашни миллии Туркманистон - Рӯзи Истиқлолият пазиро бошед.

Туркманистон дар солҳои истиқлолият дар таҳкими давлатдорӣ ва таъмини рушди устувори иҷтимоию иқтисодӣ ба дастовардҳои назаррас ноил гардидааст.

Ҷумҳурии Тоҷикистон муносибатҳои дӯстона бо Туркманистонро баланд арзёбӣ намуда, ба рушди минбаъдаи ҳамкориҳои дуҷониба аҳаммияти муҳим медиҳад.

Итминон дорам, ки муколамаи байнипарламентӣ миёни Тоҷикистон ва Туркманистон минбаъд низ ба таҳкими робитаҳои байнидавлатӣ дар рӯҳияи ҳамсоягии нек ва шарикии мутақобилан судманд мусоидат хоҳад кард.

Ба Шумо, муҳтарам Дунягозел Акмухаммедовна, саломатии қавӣ, некӯаҳволӣ, комёбиҳо дар фаъолияти пурмасъулатон ва ба Туркманистон рушди устувору шукуфоӣ орзумандам.

Бо эҳтиром,

Рустам Эмомалӣ