Идомаи барномаҳои Сирки калони Москва дар Тоҷикистон

Дар ҳафтаи дуюми худ барномаи фарҳангиву фароғатии Сирки калони Москва шумораи зиёди тамошобинонро низ ба худ ҷалб кард.

Нахуст ҳунармандони бомаҳорати сирки калони Москва бо малакаи худ диққати тамошобинонро ба худ ҷалб намуда, ҳамагонро дар ҳайрат гузоштанд.

Пас аз баромад намудани ҳунармандон дорбозон ба саҳнаи сирк баромада, бо ҳаракатҳои гуногуну диққатҷалбкунандаи худ дар фазо ҳамагонро шоду мафтун намуданд.

Ёдовар мешавем, ки дар доираи робитаҳои фарҳангӣ миёни Сирки давлатии Тоҷикистон ва сиркҳои кишварҳои хориҷ ин намоиш созмон дода шуд.

Сирки калони Москва яке аз маъруфтарин сирк дар Аврупо дониста мешавад, ки дар хиёбони Вернадский ҷойгир аст. Сирк 30-юми апрели соли 1971 таъсис ёфта, дар он ҳунармандони хушзавқ кору фаъолият менамоянд.