Ярмаркаи маҳсулоти кишоварзию агросанотӣ дар арафаи Соли нави мелодӣ

Дар доираи татбирҳои иҷтимоии шаҳрдорӣ ва таъмини сокинон бо маҳсулоти кишоварзию агросанотӣ дар арафаи соли нави мелодӣ дар доираи дастуру супоришҳои бевоситаи Пешвои миллат муҳтарам Эмомалӣ Раҳмон ва иқдомҳои рӯйи даст гирифтаи Раиси шаҳри Душанбе муҳтарам Рустамӣ Эмомалӣ масъулини КВД «Бозори Саховат» тасмим гирифтанд, ки дар саҳни бозор ярмаркаи солинавиро доир намояд.

Ярмаркаи мазкур пурра аз ҷониби масъулони бозор буда, анвои гуногуни маҳсулоту меваҷот бо нархҳои дастрас пешкаши сокинони пойтахт гардонида шуд.

Дар ярмаркаи маҳсулоти ниёзи аввалия, ки бахшида ба соли нави мелодӣ дар назди КВД «Бозори Саховат» баргузор гардид, анвои гуногуни меваҷоту сабзавот ва дигар маҳсулоти кишоварзӣ аз қабили сабзӣ, картошка, пиёз, гушт, орд, тухм ва дигарон бо нархҳои нисбатан аз бозор арзонтар пешниҳоди сокинону меҳмонони пойтахт гардонида шуд.

Қиёмиддини Ҳомид
"ТВ Душанбе"