Дастовардҳои Литсейи № 3 барои хонандагони болаёқати шаҳри Душанбе дар соли 2022

Литсейи рақами 3 барои хонандагони болаёқати шаҳри Душанбе тайи солҳои соҳибистиқлолӣ бунёд ёфтааст. Муассисаи мазкур дорои шароити муосири илмомӯзӣ буда, раванди таълиму тарбия аз рӯйи барномахои таълимии замони муосир ба роҳ монда шудааст.

Дастовардҳои омӯзгорону хонандагони ин таълимгоҳ дар озмуну олимпиадаҳои сатҳи ҷумҳуриявӣ ва байналмилалӣ назаррас арзёбӣ гардид.

Хонандагону омӯзгорони Литсейи рақами 3 барои хонандагони болаёқати шаҳри Душанбе дар соли 2022 дар якчанд озмуну олимпиадаҳои шаҳрию ҷумҳуриявӣ ширкат варзида, сазовори ҷойҳои намоён гардидаанд. Аз ҷумла 289 нафар хонанда дар даври ноҳиявии олимпидаи фаннӣ иштирок намуда, аз ин шумора 100 нафар созвори ҷойҳои ифтихорӣ гардида, ба даври шаҳрии он роҳхат гирифтанд.

Ҳамзамон 8 нафар хонанда гирандаи стипендияи Президентӣ, 11 нафар гирандаи стипендияи Раиси шаҳри Душанбе ва 3 нафари дигар гирандаи стипендияи раиси ноҳияи Исмоили Сомонӣ мебошанд.

Валиҷон Шарифзода
"ТВ Душанбе"