Вохӯрии намояндагони МИҲД-и шаҳри Душанбе бо сокинони маҳаллаҳои н. Шоҳмансур

Дар доираи ташкили мулоқоту вохуриҳои роҳбарияти МИҲД шаҳри Душанбе оид ба шарҳу тавзеҳи моҳияти паёми Президенти кишвар мулоқоти масъулин бо сокинони маҳаллаҳои Чиноро-1,2 ва Кооперативи моликони манзили №5-и ноҳияи н. Шоҳмансур сурат гирифт.

Зимни ироаи Паёми навбатии худ ба Маҷлиси Олӣ Президенти мамлакат Эмомалӣ Раҳмон тазаккур доданд, ки дар панҷ соли охир аз ҳисоби ҳамаи манбаъҳои маблағгузории буҷети давлатӣ барои дастгирии табақаҳои осебпазири аҳолӣ тавассути пардохти нафақа, кумакпулӣ ва ҷубронпулиҳо, нигоҳдории муассисаҳои ҳифзи иҷтимоӣ ва уҳдадориҳои дигар зиёда аз 19 миллиард сомонӣ, аз ҷумла танҳо соли 2022 4,3 миллиард сомонӣ равона карда шуд. Ин ва дигар нуқтаҳои асосии паём дар мулоқоти навбати масъулони МИҲД-и ш. Душанбе бо сокинони маҳаллаҳои гуногуни пойтахт мавриди барраси қарор гирифт.

Меҳроб Рауфзода
"ТВ Душанбе"