Дар ноҳияи Сино гурӯҳи корӣ бо сокинони шаҳракҳои 103, 104 ва маҳаллаи Ободкорон мулоқот анҷом доданд

Имрӯз дар толори муассисаи таҳсилоти миёнаи умумии рақами 101-и ноҳияи Синои шаҳри Душанбе бо иштироки аъзои гурӯҳи кории мақомоти иҷроияи ҳокимияти давлатии шаҳри Душанбе вобаста ба шарҳу тавзеҳи Паёми навбатии Асосогузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сокинони шаҳракҳои 103, 104 ва маҳаллаи Ободкорони ноҳия мулоқот доир шуд.

Зимни вохурӣ масъулин вобаста ба мавзӯъҳои муҳим, ки зимни ироаи Паём аз ҷониби Сарвари давлат садо доданд, андешаҳои худро баён намуданд. Вобаста ба имкониятҳои нав дар тамоми соҳаҳо иштирокчиён изҳори назар намуда, бунёд ва мавриди истифода қарор додани муассисаҳои таълимии типи навро аз ҷумлаи имкониятҳои нав дар соҳаи маориф таъкид доштанд. 

Валиҷон Шарифзода
"ТВ Душанбе"