Баргузории мизи мудаввар бахшида ба Рӯзи байналмилалии занону духтарон дар илм

Дар шаҳри Душанбе бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба Рӯзи байналмилалии занону духтарон дар илм мизи мудаввар баргузор гардид.

Дар кори мизи мудаввар занону бонувони олимаву ихтироъкор, аспирантону магистрон, устодону донишҷӯёни муассисаҳои таҳсилоти олии касбии кишвар иштирок намуда, дастоварду муваффақиятҳо ва пажӯҳишу ихтироотҳои илмии худро муаррифӣ намуданд.

Маврид ба ёдоварист, ки Рӯзи байналмилалии занону духтарон дар илм бо Қарори Созмони Милали Муттаҳид ҳамасола 11-уми феврал дар саросари ҷаҳон ба таври хоса таҷлил мегардад.

Қандил Мардонов
"ТВ Душанбе"