Мизи мудаввар таҳти унвони “Амнияти иттилоотӣ ва таъмини амнияти миллӣ дар замони муосир” дар Академияи идоракунии давлатӣ

Таҳти унвони “Амнияти иттилоотӣ ва таъмини амнияти миллӣ дар замони муосир” дар Академияи идоракунии давлатии назди Президенти Ҷумҳурии Тоҷикистон бо ташаббуси кафедраи технологияи иттилоотӣ ва таъмини амнияти иттилоотӣ мизи мудаввар баргузор гардид.

Ширкаткунандагони мизи мудаввар аз он изҳори нигаронӣ намуданд, ки бо вуҷуди ташкилу баргузориҳои ҳамоишҳои зиёд тайи солҳои охир дар интернет ё худ сомонаҳои иҷтимоӣ назарияҳои тундгароӣ дар ҷомеа афзоиш ёфтаистодааст.

Дар мизи мудаввар кормандони Академия, олимон донишмандон намояндагони тамоми ниҳодҳои давлатӣ, коршиносон, устодон аз донишкадаву донишгоҳҳои кишвар ва дигар омӯзгорону муҳаққиқон иштирок ва баромад намуданд.

Дар идома вобаста ба мавзуҳои “Нақши шабакаҳои иҷтимоӣ ва аҳамияти он дар таъмини амнияти миллӣ”- “Таъсири манфии шабакаҳои иҷтимоӣ ба тафаккури ҷомеа”, “Амнияти иттилоотӣ кафили амнияти давлатӣ ва ҷаҳонӣ”, “Истифодаи интернет аз ҷониби ҷавонон; ҷанбаҳои таълимӣ, иҷтимоӣ, иқтисодӣ ва амниятӣ”, “Зеҳни инсонӣ ва таҳаввулот дар ҳаёти инсон”, “Ҷиноятҳо ба муқобили амнияти иттилоотӣ”, ва амсоли ин маърузаҳо пешниҳод гардид.

Қандил Мардонов 

"ТВ Душанбе"