Дар Гимназияи № 2 барои хонандагони болаёқати шаҳри Душанбе ба муносибати Рӯзи пойтахт дарси кушод доир гардид

Ҳамасола Рӯзи пойтахти Ҷумҳурии Тоҷикистон дар шаҳри Душанбе бо шаҳомати хосса доир карда мешавад. Дар ин баробар корхонаҳои шаҳрӣ ва муасисаҳои таълимии ноҳияҳои шаҳр чорабиниҳои маърифатию фарҳангиро доир менамоянд, ки барои баланд бардоштани маданияти шаҳрнишинии сокинон, тарбияи хонандагон дар руҳияи шаҳрдӯстӣ ва баланд бардоштани масъулияти сокинони пойтахт, бахусус наврасону ҷавонон мусоидати фаъол менамояд.

Бо ин мақсад дар муассисаи таълимии давлатии гимназияи № 2 барои хонандагони болаёқати шаҳри Душанбе дарси кушод доир гардид. Хонандагон бо эҳтироми хосса ва самимияти зиёд доир васфи Тоҷикистон ва пойтахти он шаҳри дилорои Душанебе шеърҳо қироат намуда, аз таъриху фарҳанги мардуми тоҷик маълумот пешниҳод карданд.

Дар ин дарси намунавӣ хонандагону волидайни онҳо ва роҳбарияту омӯзгорони гимназияи мазкур иштирок доштанд.

Баргузории чорабинии мазкурро масъулин дар васеъ гардидани ҷаҳонбинии хонандагон, бедор кардани ҳисси меҳанпарастӣ ва огоҳии онҳо аз таъриху ташаккули пойтахт маънидод намуданд.

Теҳрон Файзов
"ТВ Душанбе"