Ғолибияти варзишгари тоҷик дар Чемпионати Осиё

Варзишгари навраси тоҷик — дастпарвари Мактаби махсуси варзишии захираҳои олимпии шаҳри Душанбе оид ба намудҳои гӯштин Алишер Рӯзимадов дар Чемпионати Осиё оид ба гӯштини юнонӣ-румӣ байни ҷавонони то 15-сола сазовори ҷойи аввал ва медали тилло гардид. Ин варзишгари навраси тоҷик дар Чемпионати Осиё оид ба гӯштини юнонӣ-румӣ маҳорати олӣ нишон дода, дар вазни то 75 кило бар ҳарифонаш пайи ҳам ғолиб омад ва медали тиллои мусобиқаро ба даст овард.

Ёдовар мешавем, ки Чемпионати Осиё оид ба гӯштини юнонӣ-румӣ дар шаҳри Аммони давлати Урдун идома дорад.