Эълон: Дар шаҳри Душанбе намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву адабии шаҳру ноҳияҳои ҷумҳурӣ доир мегардад

Ба таваҷҷуҳи сокинону меҳмонони пойтахт расонида мешавад, ки дар доираи дастуру супоришҳои Ҳукумати Ҷумҳурии Тоҷикистон дар бағҳои фарҳангу фароғатии шаҳри Душанбе намоиш - фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву адабии шаҳру ноҳияҳои ҷумҳурӣ дар соли 2023 ба роҳ монда шудааст.

Рӯзи 2-уми сентябр аз соати 8:00 то 11:00 дар Боғи Ирам намоиш фурӯши маҳсулоти кишоварзӣ ва ҳунарҳои мардумии ноҳияҳои Ишкошиму Мурғоб ва дар Боғи Кӯдакон аз ноҳияи Темурмалик ташкил карда мешавад. Ҳамчунин дар ин боғҳо аз соати 17:00 то 20:00 барномаҳои адабиву фарҳангии ноҳияҳои Ишкошиму Мурғоб ва Темурмалик гузаронида мешавад. Рӯзи 3-уми сентябр бошад, аз соати 8:00 то 11:00 дар Боғи Ирам намоиш - фурӯши маҳсулоти кишоварзӣ, ҳунарҳои мардумӣ, таомҳои миллии шаҳри Хоруғ ва ноҳияи Роштқалъа, дар Боғи фарҳангӣ-фароғатии Хайём бошад аз ноҳияи Ховалинг баргузор мешавад. Намоишҳои фарҳангӣ ва барномаҳои ҳунарии ин шаҳру ноҳияҳо аз соати 17:00 то 20:00 дар боғҳои мазкур гузаронида мешавад.

Сокинону меҳмонони пойтах метавонанд дар раванди ин тадбирҳо ширкат намуда, маҳсулоти кишоварзиро бо нархи дастрас харид намоянд.

Раҳими Карим
"ТВ Душанбе"