НАТИҶАГИРӢ АЗ ФАЪОЛИЯТИ КОМИССИЯИ НОҲИЯВИИ ДАЪВАТИ ҶАВОНОН БА ХИЗМАТИ ҲАРБӢ ДАР ДАЪВАТИ БАҲОРИИ СОЛИ 2024
Имрӯз таҳти роҳбарии муовини Раиси шаҳри Душанбе Абдураҳмонзода Абдураҳмон ҷаласаи гурӯҳи кории комиссияи шаҳрӣ бо мақсади натиҷагирӣ аз фаъолияти комиссияи ноҳиявии даъвати ҷавонон ба хизмати ҳарбӣ дар даъвати баҳорӣ барои соли 2024 баргузор гардид, ки дар кори ҷаласа сардори Раёсати кор бо ҷавонон ва варзиши шаҳри Душанбе Раҳимзода Шоҳзод, Ҳасанзода Мустафо муовини якуми сардори Раёсати Вазорати корҳои дохилӣ дар шаҳри Душанбе, Абдухолиқзода Муҳаммад комиссари ҳарбии шаҳри Душанбе, Собирзода Атобой муовини сардори Раёсати тандурустии шаҳри Душанбе ва Ҳабибзод Саймуртазо муовини Раиси ноҳияи Фирдавсӣ-раиси Комиссияи даъвати ноҳия иштирок доштанд.Инчунин, дар кори ҷаласа раисони шаҳраку маҳаллаҳо ва минтақаҳои ҳудуди ноҳияи Фирдавсӣ, комиссари ноҳия ва кормандони комиссарияти ноҳия, кормандони шуъбаҳои Вазорати корҳои дохилӣ дар ноҳия ва имомхатибони масҷидҳои ҷомеа ва панҷвақтаи ноҳия даъват гардида, иштирок намуданд.
Ҷаласаро муовини Раиси шаҳри Душанбе Абдураҳмонзода Абдураҳмон оғоз намуда, тибқи тартиби муқарраргардида оид ба иҷрои саривақтии дастуру супоришҳои Раиси шаҳри Душанбе муҳтарам Рустами Эмомалӣ доир ба иҷрои Нақшаи чорабиниҳои даъвати муташаккилонаи ҷавонон ба хизмати ҳарбӣ, ки бо қарори дахлдори Раиси шаҳри Душанбе тасдиқ гардидааст, мавриди баррасӣ қарор дода, ба масъулин дастуру супоришҳои мушаххас доданд.
Зимни баррасии масъалаи мазкур масъулин вазифадор гардиданд, ки тибқи муҳлати муқарраргардида ҷадвали банақшагирифташудаи даъвати ҷавононро ба хизмати ҳарбӣ дар ноҳияи Фирдавсӣ то санаи 1 апрел омода намуда, 150 нафар ҷавонони синни даъватиро барои сафарбар намудан ба рӯзи якуми даъват ба хизмати ҳарбӣ омода намоянд.
Бо назардошти масъалаҳои баррасигардида ҷаласа ба кори худ анҷом бахшид.
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ