Ғолибияти хонандагони тоҷик дар Олимпиадаи 16-уми авруосиёӣ аз фанни информатика

Хонандагони тоҷик дар Олимпиадаи 16-уми авруосиёӣ аз фанни информатика сазовори 3 медали нуқра ва 15 медали биринҷӣ гардиданд. Олимпиада дар шаҳри Алматои Ҷумҳурии Қазоқистон байни хонандагони муассисаҳои таҳсилоти умумии давлатҳои аъзои  Созмони ҳамкории Шанхай баргузор гардид.

Дар он аз Тоҷикистон 39 хонанда иштирок намуд. Дар даври ниҳоии олимпиада 77 даста бо фарогирии 231 хонанда аз Тоҷикистон, Узбекистон, Қирғизистон, Қазоқистон ва Федератсияи Русия иштирок намуд.

Олимпиада 13-14 декабр баргузор гардида, ҳадафи он тавсеаи иттилоотонии хонандагон, баланд бардоштани фарҳанги иттилоотӣ ва дарёфти чеҳраҳои боистеъдод дар бахши технологияи иттилоотӣ, фанноварӣ ва моделсозии компютерӣ мебошад.