ТАҶЛИЛИ БОШУКУҲИ СОЛИ НАВИ МЕЛОДӢ ДАР ПОЙТАХТ
Шоми рӯзи 31-уми декабр бо ибтикори Мақомоти иҷроияи ҳокимияти давлатии шаҳри Душанбе ба муносибати фарорасии Соли нави мелодии 2025 дар майдони Истиқлоли шаҳри Душанбе шоу-консерти идонаи солинавӣ бо иштироки устодони ҳунар ва ҳаваскорони ҷавони пойтахт доир гардид. Дар ибтидо муовини якуми Раиси шаҳри Душанбе Ҷамшед Табарзода Паёми шодбошии Раиси шаҳри Душанбе муҳтарам Рустами Эмомалиро ба муносибати фарорасии Соли нави мелодии 2025 ба кулли сокинону меҳмонони пойтахт расонид. Соле, ки сипарӣ гардид, ҳамчун соли сивусеюмин солгарди озодиву соҳибихтиёрии Ватанамон барои хурду бузурги мамлакат воқеан таърихиву бобарор ва соли амалӣ шудани орзуву ормонҳои созандаи миллиамон буд.
Пас аз табрикоти роҳбарияти шаҳр дар саҳнаи майдон бо иштироки санъаткорони ҷавону соҳибистеъдоди кишвар чорабинии идона, ки дар сатҳи баланди ғоявӣ ва маънавӣ омода шуда, фарорасии соли нави мелодии 2025-ро тараннум менамуд, пешниҳоди сокинону меҳмонон гардонида шуд.
Баъди тамошои барномаи ҷолибу диданӣ дар майдони «Истиқлол» ба муддати 4-5 дақиқа мушакҳои ранга парронда шуд.
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ