Семинар-машварати аъзоёни комиссияи ҳавзаи интихоботии Фирдавсӣ №1 баргузор гардид

Бо ташаббуси Комиссияи ҳавзавии интихоботии якмандатаи Фирдавсӣ №1 оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон семинар-машварати аъзоёни комиссияи ҳавзаи интихоботии Фирдавсӣ №1 бо иштироки намояндагони Комиссияи марказии интихобот ва раъйпурсии Ҷумҳурии Тоҷикистон, Комиссияи ҳавзавии интихоботии вакилони Маҷлиси вакилони халқи шаҳри Душанбе, комиссияи ҳавзавии интихоботии якмандатаи Фирдавсӣ №1 оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон ва комиссияи ҳавзавии интихоботии вакилони маҷлиси вакилони халқи ноҳияи Фирдавсӣ ташкил ва баргузор гардид.

Боиси зикр аст, ки дар асоси Қарори Комиссияи марказии интихобот ва райъпурсии Ҷумҳурии Тоҷикистон аз 17 декабри соли 2024, №20 Комиссияи ҳавзавии интихоботии якмандатаи Фирдавсӣ №1 оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон ташкил карда шуд. Айни ҳол комиссия фаъолияти худро пурра ба роҳ монда 120 участкаҳои интихоботӣ ва 56 ҳавзаи интихоботиро оид ба баргузор намудани интихоботи вакилони Маҷлиси намояндагони Маҷлиси Олии Ҷумҳурии Тоҷикистон ташкил намуд, ки ҳамарӯза фаъолияти худро ба таври муназзам ба роҳ монда истодаанд.

Дар семинар-машварат вобаста ба омода намудани участкаҳои интихоботӣ, фароҳам овардани шароити муносиб барои интихобкунандагон, тартиб додани рӯйхати дурусти интихобкунандагон, омода кардани бино ва қуттиҳои овоздиҳӣ, ба роҳ мондани ҳуҷҷатгузории участкаҳои интихоботӣ, фароҳам овардани шароити мусоид ба мушоҳидони миллӣ ва байналмилалӣ, ҳамкории зич бо васоити ахбори омма ҷиҳати тарғибу ташвиқи интихобот ва дигар масъалаҳо мавриди муҳокима қарор дода шуд.

Қиёмиддини Ҳомид
"ТВ Душанбе"