Таҷлили ҷашни Сада дар Литсейи дӯзандагии шаҳри Душанбе

Дар доираи таҷлил аз Ҷашни Сада дар Литсейи дӯзандагии шаҳри Душанбеи назди Донишгоҳи байналмилалии сайёҳӣ ва соҳибкории Тоҷикистон чорабинии зебои фарҳанги бо баргузории намоиши молу ааҳсулоти кишоварзию саноатӣ ва ҳунармандӣ баргузор гардид, ки ҳадафи ин эҳёи ҳунару оинҳои ниёгони миллати тоҷик мебошад.

Устодону таълимгирандагонии Литсейи дӯзандагии шаҳри Душанбеи назди Донишгоҳи байналмилалии сайёҳӣ ва соҳибкории Тоҷикистон аз иди Сада хубу хотирмон истиқбол гирифтанд.

Дар даромадгоҳи ин муассисаи таълимӣ намояндагони факулелтетҳои литсей намунаи маҳсулоти кишоварзӣ ва ғизову маҳсулоти нониро ба намош гузошта буданд, ки ҳозирин зимни ҷамъомад аз онҳо дидан карда ба омодагии хонандагони ин муассисаи таълими нисбат ба ин ҷашни аҷдодӣ баҳои баланд доданд.

Зимни ифтитоҳи чорабинии мазкур ҳозирин ба сухан баромада зикр намуданд, ки сиёсати созанда ва фарҳангпарваронаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки моро дар роҳи шинохти арзишҳои  миллӣ ва арҷгузорӣ ба таъриху фарҳанги кишварамон роҳнамоӣ месозад, ҳар як фарзанди бонангу номуси миллатро водор менамояд, ки дар роҳи дубора эҳё намудани суннатҳо ва расму оинҳои мардумӣ ва ҷашну санаҳои таърихии миллат кӯшиш намояд.

Хонандагони ин муассиса бо баргузории чорабинии зебои фарҳангӣ ва намоиши сару либосҳои миллӣ хотири хамагонро шод намуданд.

Қиёмиддини Ҳомид
"ТВ Душанбе"