Шарҳу тавзеҳи Паёми Президенти Ҷумҳурии Тоҷикистон дар МТМУ №54

Дар муассисаи таҳсилоти миёнаи умумии №54-и ноҳияи Сино мулоқот оид ба шарҳу тавзеҳи Паёми Президенти Ҷумҳурии Тоҷикистон ба Маҷлиси олӣ баргузор гардид.

Дар мулоқот намояндагон аз Мақомоти иҷроияи ҳокимияти давлатии ноҳияи Сино, бахши кор бо ҷавонон ва варзиши ноҳия, сохторҳои дигари марбутаи ноҳиявӣ иштирок намуданд.

Дар вохӯрии навбатӣ ҳамзамон ҷиҳати баланд бардоштани рӯҳияи ҷавонон вобаста ба тарбияи ватандӯстӣ, таҳкими ҳуввияти миллӣ, пешгирии падидаҳои номатлуб, аз қабили терроризму экстремизм, бегонапарастӣ, эмин будан аз хатару таҳдидҳои ҷаҳони муосир пешгирии омилҳои коррупсионӣ, риояи қонунҳои миллӣ, маҳкум намудани нашъамандию нашъаҷаллобӣ, тарғиби тарзи ҳаёти солим, пешгирии ҷудошавии оилаҳои ҷавон ва дигар мавзӯҳои рузмара миёни ширкатдорон баррасӣ карда шуд.

Дар охири чорабинӣ ба иштирокчиён филми мустанади тарбиявӣ намоиш дода шуд.

Саодат Тоирӣ
"ТВ Душанбе"