Дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмуни «Сайри гули лола» баргузор гардид

Имрӯз, 26 апрел дар Боғи фарҳангӣ-фароғатии ба номи Абулқосим Фирдавсии шаҳри Душанбе даври ҷумҳуриявии озмуни «Сайри гули лола» баргузор гардид.

Дар даври ҷумҳуриявии озмуни «Сайри гули лола» дар номинатсияи «гулпарвари беҳтарин» Робия Сафарова, сокини ноҳияи Синои шаҳри Душанбе сазовори ҷойи якум дониста шуд. 

Дар номинатсияи «гулгашт ва хиёбон» Гулгашти хиёбони Сирки давлатии шаҳри Душанбе сазовори ҷойи якум гардид. 

Дар номинатсияи «боғҳои фарҳангию фароғатӣ» Боғи фарҳангӣ-фароғатии ба номи Аҳмади Дониши шаҳри Душанбе якум шуд ва дар номинатсияи «ноҳияи беҳтарин» ноҳияи Исмоили Сомонии шаҳри Душанбе сазовори ҷойи якум дониста шуд.