Баргузории мизи мудаввар таҳти унвони “Ҷонро сипар баҳри ҳифзи Ватан мекунем” бо иштироки ҷавонони синни даъватӣ

Дар доираи таҷлил аз 30 солагии таъсисёбии Қувваҳои мусаллаҳи Ҷумҳурии Тоҷикистон бо ташаббуси Кумитаи иҷроияи Ҳизби халқи демократии Тоҷикистон дар ноҳияи Исмоили Сомонӣ дар Донишкадаи олии сарҳадии Кумитаи давлатии амнияти миллии Ҷумҳурии Тоҷикистон бо иштироки ҷавонони синни даъватӣ рӯзи дарҳои боз ва мизи мудаввар таҳти унвони “Ҷонро сипар баҳри ҳифзи Ватан мекунем” баргузор гардид.

Дар ҷараёни саёҳати худ нахуст ҷавонон бо толори варзишии донишкада шинос гашта, аз ҷараёни машқу тамрини сарбозон ошно гаштанд.

Ҳамзамон ҷавонон аз китобхона, ҷой ва шароити хоби курсантон, дарс дар синфхонаҳо ошнои пайдо карда бо сарбозон суҳбату мулоқоти судманд анҷом доданд.

Қандил Мардонов

"ТВ Душанбе"