Идомаи мулоқоту вохӯриҳои судманди намояндагони Мақомоти иҷроияи ҳокимияти давлатии шаҳри Душанбе

Бо иштироки гурӯҳҳои кории мақомоти иҷроияи ҳокимияти давлатии шаҳри Душанбе дар ноҳияҳои пойтахт баргузории мулоқоту вохӯриҳои судманд бо сокинон ва кормандони касбу кори гуногун вобаста ба шарҳу тавзеҳи нуктаҳои Паёми Президенти Ҷумҳурии Тоҷикистон ба Маҷлиси Олии ҶТ идома дорад.

Чунин мулоқот дар толори мақомоти иҷроияи ҳокимияти давлатии ноҳияи Фирдавсӣ ин навбат бо имомхатибони масҷидҳои ҳудуди шаҳр баргузор шуд. Роҳбарият ва кормандони Шуъбаи дин, танзими анъана ва ҷашну маросими мақомоти иҷроияи ҳокимияти давлатии шаҳри Душанбе ва 4 ноҳияи пойтахт, имомхатибони масҷидҳои шаҳр ва ходимони дин аз ҷумлаи иштирокчиёни фаъоли чорабинӣ буданд.

Намояндагони сохторҳои марбутаи шаҳрӣ, ки шомили гурӯҳи корӣ мебошанд, дар мулоқот иштирок намуда, доир ба нишондоди барномавии Паёми роҳбари давлат андешаронӣ намуданд.

Дар ин тадбири маърифатӣ бо ишора ба Паём доир ба муносибатҳои байналмилалӣ ва сиёсати хориҷии кишвар, рушди соҳаҳои тандурустиву маориф ва фарҳанг андешаронӣ сурат гирифт.

Раҳими Карим
"ТВ Душанбе"