Баргузории Намош-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаи консертии шаҳри Норак

Рӯзи 15 июл дар Боғи фарҳангӣ-фароғатии «Куруши Кабир» намоиш-фурӯши маҳсулоти кишоварзӣ ва ҳунарҳои мардумии шаҳри Норак ташкил карда шуд.

Дар намоишгоҳи мазкур маводи ғизоӣ, аз қабили картошка, пиёз, помидор, бодиринг, ва дигар маҳсулоти мавриди ниёзи аввал ба фурӯш гузошта шуд, ки барои ғанӣ гардонидани дастархони сокинони пойтахт мусоидат менамояд.

Хоҷагидорони шаҳри Норак дар заминаи талошҳо дар роҳи расидан ба амнияти озуқаворӣ имсол хосили фаровон ба даст оварданд. Кишоварзони шаҳр парвариш ва кишти зироатро ҳамасола дар асоси маслиҳату машварати мутахассисон бо интихоби тухмиҳои серҳосил ба роҳ монда, дастовардҳои меҳнатиро сол аз сол беҳтар мекунанд.

Теҳрон Файзов 

"ТВ Душанбе"