Эълон: Рӯзҳои истироҳат дар Душанбе намоиш-фурӯши маҳсулоти кишоварзии ноҳияҳои Айнӣ, Лахш, Абдураҳмони Ҷомӣ ва Фархор доир мегардад

Ба таваҷҷуҳи сокинону меҳмонони пойтахт расонида мешавад, ки дар доираи дастуру супоришҳои Ҳукумати Ҷумҳурии Тоҷикистон дар боғҳои фарҳангу фароғатии шаҳри Душанбе намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву адабии шаҳру ноҳияҳои ҷумҳурӣ дар соли 2023 ба роҳ монда шудааст.

Рӯзи 26-уми август аз соати 8:00 то 11:00 дар Боғи фарҳангӣ-фароғатии ба номи Садриддин Айнӣ намоиш фурӯши маҳсулоти кишоварзӣ ва ҳунарҳои мардумии ноҳияи Айнӣ, дар Боғи «Куруши Кабир» аз ноҳияи Лахш, дар Боғи Низомиддин Алишер Навоӣ дар ҳамин соат намоиш-фурӯши маҳсулоти кишоварзӣ ва ҳунарҳои мардумии ноҳияи Абдураҳмони Ҷомӣ ва дар Боғи фарҳангӣ фароғатии ба номи Абулқосим Фирдавсӣ дар ҳамин соат намоиш-фурӯши маҳсулоти кишоварзии ноҳияи Фархор ташкил карда мешавад.

Ҳамчунин дар ин боғҳо аз соати 17:00 то 20:00 барномаҳои адабиву фарҳангии ноҳияҳои Айнӣ, Лахш, Абдураҳмони Ҷомӣ ва Фархор гузаронида мешавад.

Рӯзи 27-уми август бошад, аз соати 8:00 то 11:00 дар Боғи фарҳангӣ-фароғатии «Кӯли ҷавонон» намоиш - фурӯши маҳсулоти кишоварзӣ, ҳунарҳои мардумӣ, таомҳои миллии ноҳияҳои Шамсиддин Шоҳин ва Муъминобод, дар Боғи фарҳангӣ-фароғатии ба номи Абулқосими Фирдавсӣ аз ноҳияи Носири Хусрав ва дар Боғи «Кӯдакон» аз ноҳияи Балҷувон баргузор мешавад. Намоишҳои фарҳангӣ ва барномаҳои ҳунарии ноҳияҳои Муъминобод, Носири Хусрав ва Балҷувон 27-уми август аз соати 17:00 то 20:00 дар боғҳои мазкур гузаронида мешавад.

Сокинону меҳмонони пойтахи метавонанд дар раванди ин тадбирҳо ширкат намуда, маҳсулоти кишоварзиро бо нархи дастрас харид намоянд.

Теҳрон Файзов
"ТВ Душанбе"