Кормандони соҳаи тандурустии шаҳри Душанбе Рӯзи Президенти Ҷумҳурии Тоҷикистонро истиқбол гирифтанд
Тандурустӣ яке аз самтҳои афзалиятноки Ҳукумати Ҷумҳурии Тоҷикистон ба ҳисоб меравад. Давоми солҳои соҳибистиқлолӣ бо ташаббус ва дастгириҳои бевоситаи Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон ин соҳа рушд намуда, шароити созгори ташхису табобат фароҳам шудааст. Бо арҷу эҳтиром ба хизмати роҳбари давлат кормандони соҳаи тандурустии шаҳри Душанбе низ Рӯзи Президенти Ҷумҳурии Тоҷикистонро ба таври идона истиқбол гирифтанд.Дар ҳамоиш роҳбарияти Раёсати тандурустии шаҳри Душанбе, меҳмонон аз сохтору мақомоти марбутаи шаҳрӣ ва табибони шаҳр ширкат намуданд.
Дар чорабинӣ доир ба самтҳои иқтисодиву иҷтимоӣ ва рушди кишвар дар заминаи роҳбарии сарвари давлат андешаронӣ сурат гирифт.
Зикр шуд, ки Президенти Ҷумҳурии Тоҷикистон муҳтарам Эмомалӣ Раҳмон дар таъмини амнияти кишвар, рушди устувори иқтисодӣ ва пешрафти давлат саҳми беназир гузоштанд. Дар робита ба дигар хизматҳои Президенти Ҷумҳурии Тоҷикистон муҳтарам Эмомалӣ Раҳмон низ нотиқон баромад намуданд.
Раҳими Карим
"ТВ Душанбе"
"ТВ Душанбе"
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ