Истиқболи ғолибон ва ҷоизадорони Чемпионати Осиё оид ба гӯштини ҷудо байни наврасон ва ҷавонон дар Фурудгоҳи байналмилалии шаҳри Душанбе

Дар Фурудгоҳи байналмилалии Душанбе ғолибон ва ширкатдорони Чемпионати Осиё оид ба гӯштини ҷудо байни наврасон ва ҷавононро намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Федератсияи ҷудо, масъулини Донишкадаи тарбияи ҷисмонии Тоҷикистон ба номи Саймуъмин Раҳимов ва волидону мураббиён истиқбол гирифтанд.

Ҷойи таъкид аст, ки Чемпионати Осиё оид ба ҷудо миёни наврасону ҷавонон дар шаҳри Тошканд анҷом ёфт. Ҷудокорони навраси тоҷик дар ин мусобиқа ба гирифтани 3 нишони тилло ва ҷудокорони ҷавон ба гирифтани 2 нишони нуқра ва 2 нишони биринҷӣ мушарраф гардиданд. Донишҷӯёни Донишкадаи тарбияи ҷисмонии Тоҷикистон ба номи Саймуъмин Раҳимов низ дар ин сабқат фаъолона иштирок намуда, бо гирифтани медалҳои тилову нуқраи ин сабқати минтақавӣ ба Ватан баргарштанд, ки Абубакр Шеров аз ҷумлаи онҳост.

Ҷудокорони кишвар талош доранд, ки бо касби чунин дастовардҳо оянда низ Парчами кишвари моро дар расаи ҷаҳон парафшон намоянд. Зеро дар мамлакат ба рушди ин намудаи варзиш таваҷҷуҳ зиёд буда, шароиту имконияти мусоид низ фароҳам шудааст.

Нурализода Ғунчагул
"ТВ Душанбе"