АТЛАС ВА АДРАСБОФӢ БА ФЕҲРИСТИ ЮНЕСКО ВОРИД ШУД!

Дар ҷаласа дар қатори масъалаҳои зиёди дигар инчунин баррасии номинатсияҳои унсурҳои мероси фарҳанги ғайримоддӣ сурат гирифт.

Аз Ҷумҳурии Тоҷикистон дар ин ҷаласа 3 ҳуҷҷатҳои номинатсия барои баррасӣ ва тасдиқ пешниҳод шудаанд. Инҳо “Донишу таҷрибаҳои анъанавии истеҳсоли матоъҳои атласу адрас”, ки ҳамчун номинатсияи миллӣ танҳо аз ҷониби Тоҷикистон пешниҳод гаштааст; номинатсияҳои “Ҷашни Сада” (муштарак бо ҶИ Эрон) ва “Тазҳиб санъати зарҳалкорӣ” (муштарак кишварҳои Эрон, Озарбойҷон, Туркия, Ӯзбекистон) мебошанд.

Рӯзи 5 –уми декабр зимни ҷаласа номинатсияи “Донишу таҷрибаҳои анъанавии истеҳсоли матоъҳои атласу адрас” бо гирифтани кулли овозҳои ҳайати комиссия расман дар Феҳристи репрезентативии ЮНЕСКО сабт шуда, «Анъанаи бофтани атласу адрас» ба Феҳристи мероси ғайримоддии башар ворид гардид.

Ин дастоварди фарҳангӣ ба ҳамаи тоҷикону Тоҷикистониён муборак бод!