«ТАЗҲИБ– САНЪАТИ ЗАРҲАЛКОРӢ» БА ФЕҲРИСТИ МЕРОСИ ҒАЙРИМОДДИИ ЮНЕСКО ВОРИД ШУД
Иҷлосияи 18-уми Кумитаи байниҳукуматӣ оид ба ҳифзи мероси фарҳангии ғайримоддии ЮНЕСКО дар шаҳри Касанеи Африқои ҷанубӣ идома дошта, зимни ин ҷаласа «Тазҳиб – санъати зарҳалкорӣ» ба Феҳристи мероси ғайримоддии башарият ворид гардид, ки ба сурати муштарак миёни 5 кишвар Тоҷикистон, Эрон, Озарбойҷон, Туркия, Ӯзбекистон таҳия шудааст.Пешниҳоди номинатсияи “Тазҳиб - санъати зарҳалкорӣ” аз ҷониби Тоҷикистон ба бархе аз вижагиҳои ҳунари тазҳиб ва ривоҷи он таъсиргузор буда, далели он аст, ки ин ҳунари қадима дар кишвари мо собиқаи тӯлонӣ дорад.
Қайд кардан ба маврид аст, ки ниёгони мо тазҳибро, дар қадим зарандуд, зарнигорӣ зарҳалкорӣ ё худ тиллокорӣ низ меномиданд. Далели ин номгузорӣ истифодаи маҳлулҳои тилло барои тарроҳии нақшҳо буд.
Ворид шудани ҳунари волои зарҳалкорӣ, ба Феҳристи мероси ғайримоддии башарият муборак бошад!
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ