«ҶАШНИ САДА» БА ФЕҲРИСТИ МЕРОСИ ҒАЙРИМОДДИИ БАШАРИЯТ ВОРИД ГАРДИД!
6 декабри соли 2023 дар 18-умин иҷлосияи Кумитаи байниҳукуматӣ оид ба ҳифзи мероси фарҳангии ғайримоддии ЮНЕСКО, ки дар шаҳри Касанеи Ҷумҳурии Ботсвана идома дорад, «ҶАШНИ САДА» ба Феҳристи мероси ғайримоддии башарият ворид гардид, ки ба сурати муштарак миёни 2 кишвар Тоҷикистон ва Эрон, таҳия гардидааст.Сада яке аз куҳантарин ҷашнҳои ақвоми ориёинажод аст, ки таърихи пайдоиши он ҳазорон сол пеш, бо замони пайдоиши оташ баробар маҳсуб меёбад. Сада ба унвони як мероси фарҳангии мо ҳамаи қишрҳои ҷомеаро новобаста аз синну сол, ҷинсият ва мавқеияти иҷтимоӣ ба ҳам меоварад ва ворид шудани ин ҷашни бузург ба Феҳристи мероси ғайримоддии башарият аз даствардҳои дигари миллати сарбаланди тоҷик мебошад.
Қайд кардан ба маврид аст, 18-умин иҷлосияи Кумитаи байниҳукуматӣ оид ба ҳифзи мероси фарҳангии ғайримоддии ЮНЕСКО то 9 декабри соли 2023 идома меёбад.
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ