Синамоҷоизаи дуюми миллии “Тоҷи Сомон” бахшида ба Рӯзи кинои тоҷик оғоз гардид

Дар рӯзи нахустини баргузории Синамоҷоизаи дуюми миллии “Тоҷи Сомон”, ки бахшида ба Рӯзи кинои тоҷик оғоз гардид, дар саҳни Муассисаи давлатии “Тоҷикфилм” шумораи зиёди филмофарон, продюсерон, коргардонҳо, ҳунармандон ва ҳаводорони синамои миллӣ ба ҳам омаданд, ки аз оғози ин рӯйдоди фараҳбахши синамоӣ истиқбол бигиранд.

Дар ин рӯз намояндагони Донишкадаи умумироссиягии кинематографияи ба номи Сергей Герасимов ва коргардони синамои Эрон ба Муассисаи давлатии Тоҷикфилм ташриф оварданд. Масъулияни ҷаншвораи меҳмононро гарму самимӣ истиқбол гирифта, дар толори хурди маҷлисии муассиса мулоқоти роҳабарияти “Тоҷикфилм” бо намояндагони кинематографияи Федератсияи Русия ва Эрон сурат гирифт. Дар мулоқот масоили ташкил ва баргузории дарсҳои “Устод шогирд” аз тарафи устодони Донишкадаи умумироссиягии кинематография ва дигар коргардонҳои тоҷику эронӣ баррасӣ гардид.

Ҳамзамон дар рафти суҳбат роҳбарияти “Тоҷикфилм” барои дастгирии ҷавонони тоҷик ҷиҳати таҳсил дар ин донишкадаи бонуфузи ҳунарӣ изҳори миннатдорӣ намуда, зикр доштанд, ки нақши ин боргоҳи ҳунар дар рушди синамои тоҷик хеле назаррас мебошад. Дар ин баробар меҳмонон, устодони Донишкадаи умумироссиягии кинематографияи ба номи Сергей Герасимов зикр намуданд, ки айни ҳол дар донишкада 22 нафар ҷавони тоҷик аз рӯи риштаҳои гуногуни филмофарӣ таҳсил менамоянд, ки хеле фаъолу бомаҳорат ҳастанд.

Дар доираи Синамоҷоизаи дуюми миллии «Тоҷи Сомон» таҳти шиори «Қадршиносии ҳунари асил» Рӯзҳои кинои Ҷумҳурии Исломии Эрон, Ҷумҳурии Беларус ва Федератсияи Русия, Форуми байналмилалӣ бахшида ба фаъолияти эҷодии коргардони синамо Тоҳир Собиров, Питчинги байналмилалии лоиҳаҳои синамоӣ, дарсҳои «Устод ва шогирд» ва Шӯрои директорони киностудияҳо баргузор баргузор мегардад.

Ҳамчунин дар доираи он филмҳои пурра, кӯтоҳи бадеӣ, мустанад ва тасвирӣ, ки давоми солҳои 2023-2024 рӯйи навор омадаанд, пешниҳоди тамошобинони кинои тоҷик мегарданд.

Валиҷон Шарифзода
"ТВ Душанбе"