Дар КВД "Нақлиёти махсуси партовҳои сахти маишии ноҳияи Сино" машварати корӣ баргузор шуд

Вобаста ба тақвият бахшидани фаъолияти сохтору мақомоти марбута мунтазам дар ноҳияҳои шаҳри Душанбе чорабиниҳои гуногун ташкил карда мешавад. Ин навбат бо иштироки масъулони Мақомоти Иҷроияи Ҳокимияти Давлатии ноҳияи Сино роҳбарият ва кормандони Корхонаи воҳиди давлатии нақлиёти махсуси партовҳои сахти маишии ноҳия доир ба вусъат бахшидани фаъолияти корхона дар фасли зимистон тадбирҳои соҳавии машваратӣ ташкил карда шуд.

Дар раванди чорабинӣ доир ба беҳтар намудани шароити майишӣ ва ҳудуди шаҳраку маҳаллаҳо ва корхонаву ташкилоти ноҳияи Сино ба масъулин дастуру супоришҳои мушаххас пешниҳод гардид. Ҳамзамон ҷиҳати пардохти саривақтии ҳакки барориши партовҳо, таъмини техникаҳои коммуналии партовкашонӣ бо қисмҳои эҳтиёт ва таъмири саривақтии онҳо дар фасли зимистон масъалагузорӣ сурат гирифт.

Дар идома доир ба таъмини саривақтии кормандони КВД "Нақлиёти махсуси партовҳои сахти маишии н.Сино" бо либоси гарм ва таъмини ҳуҷраҳои муносиб барои навбатдорон низ андешаронӣ сурат гирифт. Гуфта шуд, ки ин масъала пурра роҳи ҳали худро ёфта, кормандони корхона бо либоси гарм таъмин шудаанд.

Дар идомаи машварат масъалаҳои дигари марбути ин корхона низ баррасӣ шуд. Дар КВД "Нақлиёти махсуси партовҳои сахти маишии ноҳияи Сино" ҳамарӯза 14 адад техникаҳои махсуси коммуналӣ барои кашонидани партовҳо сафарбар мегарданд. Сохторҳои масъули шаҳрӣ ва ноҳиявӣ бо истифодаи имкониятҳои мавҷуда пайваста талош доранд, ки бо анҷом додани тадбирҳои саривактӣ ва хизматрасониҳои комуналӣ ҳолати хуби санитарию экологии шаҳрро таъмин намоянд.

Саодат Тоирӣ
"ТВ Душанбе"