Ҷамъбасти Озмуни «Иншои беҳтарин» дар МТМУ №53

Дар Муассисаи таҳсилоти миёнаи умумии №53 Озмуни «Иншои беҳтарин» бахшида ба 30-солагии Ҳизби Халқии Демократии Тоҷикистон дар байни хонандагони муассисаҳои таълимии ноҳияи Исмоили Сомонии шаҳри Душанбе баргузор гардид. 

Дар маросими ҷоизасупории Озмуни ноҳиявии «Иншои беҳтарин», ки ба муносибати 30-солагии Ҳизби Халқии Демократии Тоҷикистон доир шуд, роҳбарияти шуъбаи маорифи ноҳияи И.Сомонӣ омӯзгорону хонандагонро ба ифтихори 30-юмин солгарди ХХДТ муборакбод намуда, хонандагонро барои масъулият ҳис кардану иштирок намудан дар озмуни иншои беҳтарин аҳсану офарин хонда қайд намуданд, ки ин озмун барои ҳар як хонанда манфиатовар буда, агар аз як ҷиҳат савияи дониши хонандагоро баланд бардорад аз тарафи дигар, дар замири ҳар як хонанда эҳсоси вадандустиву меҳанпарастиро тақвият мебахшад.

Масъулини Кумитаи иҷроияи ҲХДТ дар ноҳияи Исмоили Сомонӣ низ суханронӣ карда иброз доштанд, ки Ҳизби Халқии Демократии Тоҷикистон маҳсули иродаи қавӣ, нияти нек, хиради воло, дурандешӣ, мақому манзалати хоссаи фарзанди фарзонаи миллати тоҷик муҳтарам Эмомалӣ Раҳмон буда, бо сабку усули қиёснопазир ба саҳнаи сиёсат омад. Ҳамин гуна ба ғолибони Озмуни ноҳиявии «Иншои беҳтарин» ба муносибати 30-солагии Ҳизиб Халқии Демократии Тоҷикистон дар вазъияти тантанавӣ диплом ва дигар туҳфаҳои хотиравии Шуъбаи маорифи ноҳияи Исмоили Сомонӣ тақдим гардид.

Озмуни мазкур бо ташаббуси шуъбаи маорифи ноҳия баргузор гардида, дар он хонандагони фаъол ва намунавии муассисаҳои таълимии ҳудуди ноҳия, ки дар баробари таҳсили хубу аъло дар корҳои ҷамъиятӣ фаъолона иштирок менамояд, ширкат варзиданд ва ғолибиятро ба даст оварданд.

Ҳамзамон, ба роҳбарияти МТМУ №53 барои саҳми арзанда гузоштан дар рушду пешрафти соҳаи маориф сипоснома тақдим карда шуд.

Меҳринисо Раупова
"ТВ Душанбе"