Вохӯрии масъулини ноҳияи Исмоили Сомонӣ бо хонандагони МТМУ №6

Дар толори Муассисаи таҳсилоти миёнаи умумии №6-и ноҳияи Исмоили Сомонӣ вохӯрии масъулини сохтору мақомоти гуногуни н.Исмоили Сомонӣ бо хонандагони ин муассиса доир гардид. Дар рафти мулоқот оид ба нақши ҷавонон дар ҳаёти сиёсиву иҷтимоии мамлакат ибрози назар карда шуд.

Дар вохӯрии навбатӣ ҳамзамон ҷиҳати баланд бардоштани руҳияи ҷавонон вобаста ба тарбияи ватандӯсти, таҳкими ҳуввияти миллӣ, пешгирии падидаҳои номатлуб, аз қабили терроризму экстремизм, бегонапарастӣ, эмин будан аз хатару таҳдидҳои ҷаҳони муосир пешгирии омилҳои коррупсионӣ, риояи қонунҳои миллӣ, маҳкум намудани нашъамандию нашъаҷаллобӣ, тарғиби тарзи ҳаёти солим, пешгирии ҷудошавии оилаҳои ҷавон ва дигар мавзӯҳои рузмара миёни омӯзгорон ва хонандагони муассиса баррасӣ карда шуд.

Инчунин зимни баромад аз ҷавонон даъват ба амал оварда шуд, ки доимо пайи омӯзиш бошанд ва пайваста донишу маҳорати худро баҳри ободиву шукуфоии давлату миллат равона созанд. Аз иштирокдорони вохурӣ аз ҷумла устодон даъват ба амал оварда шуд, ки дар таълиму тарбияи насли наврас масъулияти бештарро ҳис намоянд ва хонандагонро дар самти таҳикими хувияти миллӣ, худшиносиву меҳанпарастӣ ва дӯст доштани ватан тарбия намоянд.

Ширкатдорони ҳамоиш дар робита ба дигар масъалаҳои марбут ба таълиму тарбияи насли наврас низ андешаронӣ намуданд.

Саодат Тоирӣ
"ТВ Душанбе"