БАРГУЗОРИИ СЕМИНАР-МАШВАРАТ ВОБАСТА БА ФАРМОНИ ПРЕЗИДЕНТИ ҶУМҲУРИИ ТОҶИКИСТОН «ДАР БОРАИ ЭЪЛОН НАМУДАНИ МОРАТОРИЯ БА ҲАМА НАМУДИ САНҶИШҲОИ ФАЪОЛИЯТИ СУБЪЕКТҲОИ СОҲИБКОРӢ»
ш.Душанбе. 20.02.2025. Бо мақсади иҷрои Нақшаи кори Мақомоти иҷроияи ҳокимияти давлатии шаҳри Душанбе, ҷиҳати вусъат бахшидани ҳамкориҳо бо соҳибкорону сармоягузорон, ҳимоя ва дастгирии давлатии соҳибкорӣ дар толори бинои Мақомоти иҷроияи ҳокимияти давлатии ноҳияи Синои пойтахт семинар - машварат вобаста ба фармони Президенти Ҷумҳурии Тоҷикистон «Дар бораи эълон намудани мораторий ба ҳама намуди санҷишҳои фаъолияти субъектҳои соҳибкорӣ» бо иштироки муовини Раиси шаҳри Душанбе Абдураҳмонзода Абдураҳмон сурат гирифта, дар кори он муовини Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Хуршедаи Қодир, муовини Раиси Кумитаи андози назди Ҳукумати Ҷумҳурии Тоҷикистон Маликзода Нарзулло, роҳбарони сохторҳои Мақомот ва соҳибкорони ҳудуди шаҳри Душанбе баргузор гардид.Зимни суханронӣ даъватшудагони семинар - машварат қайд намуданд, ки бо мақсади дастгирии давлатии фаъолияти соҳибкорӣ, таҳкими иқтидори саноатӣ ва содиротии ҷумҳурӣ, аз байн бурдани санҷишҳои беасосу такрорӣ ва фароҳам овардани фазои мусоид барои соҳибкориву сармоягузорӣ бо ташаббус ва иқдоми бевоситаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ҳама намуди санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон гардида, дар давраи татбиқи мораторий санҷишҳои фаъолияти субъектҳои соҳибкорӣ боздошта мешавад.
Ҷиҳати фароҳам овардани фазои мусоид барои соҳибкориву сармоягузорӣ бо ташаббус ва иқдоми бевоситаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон давоми солҳои 2008 – 2025 дар ҷумҳурӣ 5 маротиба ба санҷишҳои фаъолияти субъектҳои соҳибкорӣ мораторий эълон гардида аст.
Мораторияҳои эълоншуда ба рушди фаъолияти соҳибкории хурду миёна ва бахши истеҳсолӣ таъсири мусбат расонида, барои фароҳам овардани фазои мусоид ҷиҳати ҷалби сармоя ва таъсиси ҷойҳои корӣ, воридоти андозҳо ба буҷети давлатӣ ва дар маҷмуъ барои беҳбудии некуаҳолӣ мусоидат менамоянд.
Дар идома масъулин вобаста ба равнақ бахшидани дастгирии давлатии соҳибкорӣ, вусъати шарикии давлат бо бахши хусусӣ, фаъолияти сармоягузорӣ, пардохти ҳама гуна хазматрасониҳо тавассути ғайринақдӣ ва ба ин васила вусъат бахшидани ҳисоббаробаркуниҳои ғайринақдӣ сухан гуфтанд.
Дар фарҷом бо иштирокчиёни семинар-машварат муколамаи озод сурат гирифта, ширкаткунандагон ба саволҳои худ посух гирифтанд.
Гулова Сарвиноз
"ТВ Душанбе"
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ