БАРГУЗОРИИ МАРОСИМИ ҲАВАСМАНДГАРДОНИИ ЗАНОНИ ПОЙТАХТ
4 март бо ташаббуси Мақомоти иҷроияи ҳокимияти давлатии шаҳри Душанбе маросими ҳавасмандгардонии занони фаъоли пойтахт доир гардид.Дар чорабинии мазкур намояндагони корхонаву муассисаҳо, сохторҳои Мақомоти иҷроияи ҳокимияти давлатии шаҳри Душанбе, соҳибкорони ташаббускор, занони фаъол, собиқадорон ва намояндагони васоити ахбори омма ширкат варзиданд.
Дар оғози чорабинӣ муовини Раиси шаҳри Душанбе Одилзода Дилбар баромад намуда, ҳозиринро бо ҷашни дарпешистода, Рӯзи Модар шодбош гуфтанд.
Дар идома ба соҳибкорони ташаббускор, корхонаву муассисаҳо, тарабхонаву меҳмонхонаҳо ва дигар ташкилотҳои ҷамъиятие, ки дар корҳои ҷамъиятӣ, саҳмгузорӣ дар татбиқи босамари сиёсати давлатии занон, нишон додани эҳсоси баланди худшиносӣ ва эҳтиром ба арзишҳои миллӣ ва дар татбиқи нақшаву ибтикороти шаҳрдорӣ мусоидат намуданд ифтихорнома, ҷом ва туҳфаҳои Мақомоти иҷроияи ҳокимияти давлатии шаҳри Душанбе тақдим гардид.
Дар фарҷом баҳри болидахотирии иштирокчиён барномаи фарҳангии сарояндагони машҳур ва истеъдодҳои ҷавони пойтахт пешкаш гардид.
Aсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Шарҳҳо (0)
Иловаи шарҳ