Дар пойтахт Форуми байналмилалии “Наврӯзи Душанбе - меҳвари робитаҳои фарҳангию сайёҳӣ” баргузор мегардад

Бо мақсади тарғиби арзишҳои умумибашарии Иди байналмилалии Наврӯз, рушду тавсеаи соҳаи сайёҳӣ, ташаккул ва муаррифии бренди миллии сайёҳӣ, пешбурди маҳсулоти сайёҳӣ, истифодаи оқилонаи захираҳои таърихию фарҳангии кишвар, бахусус пойтахти он - шаҳри Душанбе, инчунин иҷрои банди 7-уми Нақшаи кори Мақомоти иҷроияи ҳокимияти давлатии шаҳри Душанбе барои соли 2025, Қарори раиси шаҳри Душанбе Дар бораи баргузор намудани Форуми 4-уми байналмилалии «Наврӯзи Душанбе – меҳвари робитаҳои фарҳангию сайёҳӣ» ба имзо расидааст.

Дар асоси ин Қарор Форуми 4-уми байналмилалии «Наврӯзи Душанбе - меҳвари робитҳои фарҳангию сайёҳӣ» санаи 19 марти соли 2025 дар шаҳри Душанбе баргузор карда мешавад.

Дар ин замина Накшаи чорабиниҳои Мақомоти иҷроияи ҳокимияти давлатии шаҳри Душанбе оид ба омодагӣ ва баргузории Форум ва харҷномаи он тасдиқ гардидааст.