Ба муносибати «Рӯзи модар» дар ноҳияи Фирдавсӣ чорабинии тантанавӣ доир гардид

Дар доираи тантанаҳои идона бо ибтикори мақомоти иҷроияи ҳокимияти давлатии ноҳияи Фирдавсӣ чорабинии тантанавию фарҳангӣ доир гардид.

Дар заминаи таваҷҷуҳи роҳбарияти олии мамлакат ва шаҳрдории Душанбе ба мақому мартабаи занон дар ҷомеа, роҳбарияти мақомоти иҷроияи ҳокимитяи давлатии ноҳияи Фирдавсии шаҳри Душанбе низ ба кору фаъолияти бонувон дар сохторҳои ноҳиявӣ таваҷҷуҳи махсус равона намуда, дастгирии онҳоро аз афзалиятҳои кори худ қарор додаанд. Дар идомаи ин тадбирҳо ба муносибати «Рӯзи модар» дар ноҳияи Фирдавсӣ низ чорабинии тантанавӣ доир гардид, ки дар он занони фаъоли ноҳия иштирок намуданд.

Нахуст роҳбарияти ноҳияи Фирдавсии пойтахт дар ҷамъомади идона баромад намуда, саҳми занонро дар пешбурди бахшҳои ҷомеа, фаъолияти занони роҳбар ва саҳми онҳо дар таълиму тарбияи насли наврасро назаррас арзёбӣ намуданд. Дар идомаи баромади худ раиси ноҳияи Фирдавсии шаҳри Душанбе нақши занонро дар татбиқи сиёсати давлату Ҳукумати Ҷумҳурии Тоҷикистон муҳиму чашмрас маънидод намуд.

Тавре таъкид шуд имрӯз дар тамоми соҳаҳо дар вазифаҳои гуногун занон дар баробари мардон фаъолият намуда, дар рушду пешрафти ҷомеа саҳми назаррас гузошта истодаанд. Бо эътимоду боварӣ ба фаъолияти занон дар ноҳия ва қадрдонии хизматҳои шоёни эшон аз ҷониби роҳбарияти ноҳияи Фирдавсӣ ба фаъолзанони ноҳия туҳфаҳои хотиравӣ низ тақдим карда шуд.

Намоиши фарҳангӣ бо иштироки санъаткорони фаъол, ки бо иптикори шуъбаи кор бо занон ва оилаи мақомоти иҷроияи ҳокимияти давлатии ноҳияи Фирдавсӣ ташкил гардида буд, идомабахши ин чорабинии идона гардид. Баргузории баномаи рангини фарҳангӣ барои бонувони ноҳия маҳз таваҷҷуҳу эътимод нисбат ба кору фаъолияти онҳо мебошад, ки бо шаҳомати хоса пешниҳод гардид.

Маврид ба зикр аст, ки ҳамасола дар асоси қарори марбутаи Раиси шаҳри Душанбе Рӯзи Модар бо шаҳомати хоса дар ноҳияҳои шаҳр таҷлил карда мешавад.

Саодат Тоирӣ
"ТВ Душанбе"