
Баргузории тантанаи идонаи ноҳияи Сино бахшида ба Рӯзи модар
Дар доираи Рӯзи модар чорабиниҳои гуногуни фарҳангию маърифатӣ дар пойтахт идома доранд. Яке аз чунин чорабиниҳо аз ҷониби Мақомоти иҷроияи ҳокимияти давлатии ноҳияи Сино баргузор гардид.
Дар чорабинии тантанавӣ роҳбарияти ноҳияи Сино, собиқадорон ва фаъолзанон иштирок доштанд. Тавре гуфта шуд, дар сиёсати иҷтимоии давлату Ҳукумати Тоҷикистон ба масъалаи баланд бардоштани мақоми занону бонувон дар ҳаёти ҷомеа диққати ҷиддӣ дода мешавад. Президенти кишвар бо таваҷҷуҳ ба ин қишри ҷомеа, тадбирҳои назаррасро роҳандозӣ намуда, ҳамасола дар Паёмҳои худ баҳри ба фаъолият ҷалб намудани занон дастуру супоришҳои мушаххас медиҳанд.
Барномаи фарҳангӣ, ки фарогири бузургии модар ва мақому манзалати зан дар ҷомеа буд пешниҳоди ҳозирин гардонида шуд. Барномаи фарҳангӣ, ки бо навозишу сурудҳои дилнишину рақсҳои ҷолиб омода шуда буд хотири ҳозиринро шод намуд. Занону модарон бо як руҳияи идона кафкӯбӣ мекарданду мерақсиданд.
Намоиши либосҳои миллии гулдухтарон низ шаҳодат аз фарҳанги бою пурғановати зан модари тоҷик далолат медод. Қайд кардан ба маврид аст, ки имрӯзҳо занони кишвар ҳуқуқи ширкат дар ҳама сохторҳои давлатиро соҳибанд ва албатта кам нестанд, теъдоди занони сиёсатмадор, ки дар умури давлатӣ кору фаъолият мебаранд ва сафи намояндагии занон дар мақомоти қудратию давлатии Тоҷикистон рӯз аз рӯз афзун гашта истодааст, ки ин шаҳодати хуб будани мақоми эшон мебошад.
Меҳринисо Раупова
"ТВ Душанбе"
Пурсиш
Тегҳо
Мушаххасоти моҳвора
Моҳвора: Yahsat 1A (52.5°E)
Басомад: 11 785 МГс
Поляризатсия: H
Суръати символӣ: 27500 Мсимв/сек
Модулятсия: DVB-S2/8PSK/MPEG-4/HD
FEC: 3/4
Рамзгузорӣ: BISS
Моҳвора: NSS 12 (57.0°E)
Басомад: 11 566 МГс
Поляризатсия: H
Суръати символӣ: 10750 Мсимв/сек
Модулятсия: DVB-S2/8PSK/MPEG-4/HD
FEC: 3/4
Рамзгузорӣ: BISS
Шарҳҳо (0)
Иловаи шарҳ