МУЛОҚОТИ МУОВИНИ РАИСИ ШАҲРИ ДУШАНБЕ БО САФИРИ КОНФЕДЕРАТСИЯИ ШВЕЙТСАРИЯ

  4 июл дар Мақомоти иҷроияи ҳокимияти давлатии шаҳри Душанбе, Абдураҳмонзода Абдураҳмон - муовини Раиси шаҳри Душанбе бо сафири фавқулодда ва мухтори Конфедератсияи Швейтсария дар Ҷумҳурии Тоҷикистон Салмон Бал вохӯрӣ анҷом дод. 

  Зимни мулоқот ҷонибҳо ҳолат ва дурнамои рушди ҳамкориҳоро баррасӣ намуда, дар мавриди омодагиҳо ба форуми соҳибкорони Тоҷикистону Швейтсария, ки баргузории он дар моҳи сентябри соли 2025 дар шаҳри Душанбе ба нақша гирифта шудааст, гуфтугӯи судманд анҷом доданд.