Баргузории чорабинии илмӣ-фарҳангӣ ба ифтихори 700-солагии Ҳофизи Шерозӣ 

 Дар Китобхонаи шаҳрии ба номи Абулқосим Лоҳутӣ бо ташаббуси Раёсати фарҳанги Мақомоти иҷроияи ҳокимияти давлатии шаҳри Душанбе ба ифтихори 700-солагии Хоҷа Шамсуддин Муҳаммад Ҳофизи Шерозӣ яке аз бузургтарин шоирони форсизабон чорабинии илмӣ-фарҳангӣ доир гардид. 

Дар кори он олимону шоирон ва дигар алоқамандон иштирок намуда, зимни суханронӣ таъкид шуд, ки Ҳофизи Шерозӣ устоди ғазал аст-шоири ишқ, ҳикмат ва маърифат мебошад, ки суханаш аз дил меояд ва ба дил мерасад. Ҳофиз дар ғазалҳои худ аз ишқи илоҳӣ, покии инсон, ростӣ ва адолат сухан гуфтааст.

Валиҷон Шарифзода 
"ТВ Душанбе"