Машварат бо мураббиёни Кӯдакистони №8

Дар Кӯдакистони рақами 8-и ноҳияи Исмоили Сомонӣ дар доираи нақшаи чорабиниҳои шуъбаи маорифи ноҳияи Исмоили Сомонӣ бо мақсади баланд бардоштани савияи дониши мураббиён ва ошноии роҳбарони муассисаҳои таҳсилоти томактабӣ аз фаъолияти ин нафарон машварат доир гардид. Мураббия дар гурӯҳи омодагӣ ба мактаб бо кӯдакон машғулияти таълимиву тарбиявиро гузаронид.

Дар ҷараёни машғулият асосан бо кӯдакон сӯҳбат атрофи парандаҳо, тарзи зисти онҳо дар табиат, ном ва намуди онҳо сурат гирифт. Кӯдакон бо фаъолнокии пурра дар машғулият иштирок намуданд, ки аз ҷараёни он намояндагони Сарраёсати маорифи шаҳри Душанбе низ назорат бурданд.

Маврид ба зикр аст, ки машварати мазкур ҳар ҳафта рӯзҳои чоршанбе дар муассисаҳои таҳсилоти томактабии ҳудуди ноҳияи Исмоили Сомонӣ доир гардида, дар ҷараёни он масъулин бо таҷрибаи пешқадами мураббиёни кӯдакистонҳо ошно мешаванд.