Ҳамоиши илмӣ-назариявӣ бахшида ба 10-солагии Донишкадаи давлатии санъати тасвирӣ ва дизайни Тоҷикистон

Донишкадаи давлатии санъати тасвирӣ ва дизайни Тоҷикистон бо қарори Ҳукумати Ҷумҳурии Тоҷикистон аз соли 2013 таъсис ёфта, дар асоси Оиннома амал мекунад ва аввалин муассисаи мустақили давлатӣ мебошад, ки дар соҳаи санъати тасвирӣ ва дизайн мутахассисонро тайёр мекунад.

Инак аз фаъолияти ин даргоҳи санъати тасвирӣ 10 сол пур мешавад, ки мутахассисони гуногуну кадрҳои ҷавонро дар кишвар тайёр менамояд.

Бахшида ба 10-солагии Донишкадаи давлатии санъати тасвирӣ ва дизайни Тоҷикистон зери унвони «Макони илму ҳунар» ҳамоиши илмӣ-назариявӣ баргузор гардид.

Дар кори ҳамоиш устодону донишҷӯён ва рассомони варзида иштирок ва аз дастовардҳои фаъолияти 10 солаи донишкада суханронӣ намуданд.

Дар мудати начандон дароз донишкадаи мазкур эҷодиёти рассомони машҳури Тоҷикистонро, ки дар масири ягонаи санъати миллат ривоҷ ёфтаанд, омӯхта, онҳоро ҳамчун намунаҳои бузурги санъати тасвирии тоҷик тарбия намуда истодааст.