Чорабинии фарҳангӣ-фароғатӣ бахшида ба Рӯзи байналмилалии маъюбон

Бо мақсади ҳарчи бештар ҷалб намудани таваҷҷуҳи ҷомеаи ҷаҳонӣ ба мушкилоти шахсони имконияташон маҳдуд Ассамблияи генералии СММ соли 1992 3 декабрро ҳамчун Рӯзи байналмилалии маъюбон эълон намуд. Аз ин рӯ ҳамасола дар тамоми дунё, аз ҷумла дар Ҷумҳурии Тоҷикистон он чун Рӯзи байналмилалии маъюбон таҷлил мегардад.

Бахшида ба ин руз дар маркази минтақавии хизмати иҷтимои ба маъюбон ва нафақахурони шаҳри Душанбе чорабинии фарҳангӣ-фароғатӣ баргузор гардид.

Дар чорабинӣ намояндагони сохторҳои гуногун, кормандону ҳунармандони Театри минятураи оина, кормандони марказ ва маъюбону нафақахурон иштирок доштанд.

Гуфта шуд, ки Ҳукумати Ҷумҳурии Тоҷикистон ҳамеша дастгиру ёрирасони шахсони имконияташон маҳдуд мебошад. Дар баробари ин шахсони саховатпеша ёрии моди худро ба ин табақаи ҷомеа дареғ намедоранд.

Чорабиниро ҳунармандони Театри минятураи оинаи назди Раёсати фарҳанги МИҲД-и ш.Душанбе бо пешниҳоди барномаи консерти шукуҳи тоза бахшиданд. Маъюбону пиронсолон аз чорабинии мазкур хушнуд гардида аз иқдомҳои роҳбарияти Олии мамлакат ва шаҳри Душанбе болида гардиданд.