Тақвияти тадбирҳои иттилоотонӣ ҷиҳати пешгирии наврасон аз ғарқшавӣ дар кӯлу дарёҳо

Бо оғози мавсими оббозӣ аксари шаҳрвандон барои истироҳату фароғат майл ба оббозӣ дар ҳавзу кӯл ва дарёҳоро намуда, баъзан аз сабаби риоя накардани қоидаҳои бехатарӣ ва ё интихоби нодурусти макони оббозӣ дучори хавфу хатар мегарданд. Дар аксар маврид аз беаҳамиятии калонсолон, бахусус волидайн кӯдакон дар маконҳои номуносиб ва хатарнок ба оббозӣ машғул мегарданд, ки баъзан боиси ғарқ ва ҳалок шуданашон мегардад. Намояндагони МИҲД н.Фирдавсӣ дар ин самт тадбирҳои зарурӣ андешида, барои пешгирӣ аз ҳолатҳои ногувору хавфнок талош мекунанд.

Бо мақсади наҷоти шаҳрвандон аз ғарқшавӣ ва пешгирӣ намудани ҳолатҳои фоҷеабори он кормандони сохторҳои марбутаи ноҳияи Фирдавсӣ дар ин мавзеъ бо сокинон суҳбату вохӯриҳо гузаронида дар ин маврид онҳро огоҳ менамояд, ки дар ҷойҳои хатарнок ба шиноварӣ машғул нашаванд ва ҳангоми шино кардан қойдаҳои бехатариро ба таври ҳатмӣ риоя намоянд. Аз волидону пайвандон ва ҷавонон тақозо менамоянд, ки фарзандони ноболиғи худро назорат намуда, аз оббозӣ дар ҷойҳои номумкин худдорӣ кунанд.

Инчунин, бо мақсади пешгирии ҳодисаҳои нохуш ва марговар аз тамоми шаҳрвандон хоҳиш карда мешавад, ки фарзандони худро беназарот нагузоранд ва ҳангоми оббозӣ боэҳтиёт бошанд.

Раҳими Карим
"ТВ Душанбе"